Балаңыз вейп шеге ме? Нарколог оны анықтаудың 3 белгісін атады

Вейп иісі кәдімгі темекінің иісіне ұқсамайды, бірақ олар да зиян.  Психиатр-нарколог, медицина ғылымдарының кандидаты Виталий Холдин ата-аналар баласының электронды темекі шегетінін қалай анықтауға болатынын айтты. Егер бұрын қырағы ата-аналар баласының темекі шегетінін қолындағы және киіміндегі иіс арқылы  анықтай алса, вейп дәуірінде оны анықтау қиынырақ. Ата-аналар баласының темекі шегетінін қалай анықтауға болады? Баланың киімінен кондитерлік өнімдердің, жидектердің, жемістердің, шоколадтың иісі шығады (немесе мұндай хош иіс жасөспірімдер бөлмесінде болады). "Бұл иіс вапингтік сұйықтықтардағы химиялық хош иістендіргіштермен беріледі", - деп түсіндірді нарколог Виталий Холдин. Баланың киімінде май дақтары пайда болды "Олар вейп сұйықтығының әсерінен пайда болады және шайдың, жалбыздың, жемістің иісі болуы мүмкін", - дейді дәрігер. Баланың мінез-құлқы өзгерді "Көбінесе балалар ата-анасы олардың электронды темекі шегетіні туралы біліп қояды деп қорқады және темекі шегетін достарынан да жасырады", - дейді нарколог. Неліктен вейп қауіпті? Вейп пен электронды темекі негізінен бірдей нәрсе. Олар сондай-ақ "подтар" (олар аз түтін шығарады) және "ашки" (бір рет қолданылатын) деп те аталуы мүмкін. "Вейптерді тарта бастаған балалардың уақыт өте келе қарапайым темекіге ауысу ықтималдығы бірнеше есе жоғары. Сондықтан, никотинге тәуелділікпен күресудің жалпы тұжырымдамасында вейптерге тыйым салу  темекі шегуден бас тартуға үлкен қадам болады", - дейді ол. Айта кетейік, вейпте 31 қауіпті зат бар. Бұл құрылғы ингалятор секілді. Ішіндегі сұйықтық қайнағанда бу шығады. Сұйықтықтың құрамында бірнеше зат бар. Олар: ♦ Глицерин; ♦ Пропиленгликоль (Е1520); ♦ Хош иісті қоспалар; ♦ Никотин (кей кезде қосылмайды). Вейперлер электронды темекінің зияны жоқ деп ойлайды. Себебі оны шеккенде шайыр бөлінбейді. Дегенмен Беркли университетіне қарасты Лоурен атындағы ұлттық зертхана мамандары вейптен уытты заттардың бөлінетінін анықтады. Буда 31 қауіпті зат болады. Оған қоса, хош иісті сұйықтықты көп жағдайда қолдан жасайды. Содан бағасы да арзан. Ал аккумулятор қызып тұрғанда канцерогенді заттардың мөлшері көбейеді. Аккумулятор жарылып кетуі де мүмкін. Ғалымдардың зерттеуіне сәйкес, уытты химикаттардың бірі – диацетил. Ол хош иістендіргіштердің 75 процентінде болады. Оны тамақ өнеркәсібі де пайдаланып жатады. Бірақ деммен ішке көп тарта берсе, өкпеде қабыну процестері басталады. Бронхшалар тарылады, тыртықтар пайда болады. Жалпы уытты заттардың әсері аз емес. Олар: ♦ Пропиленгликоль ағзада жиналып, аллергиялық реакцияларды қоздырады. Бауыр мен бүйрекке зиян тигізеді; ♦ Пропиленгликоль мен глицерин ыдырғаннан кейін акролеин мен формальдегид қалады. Акролеин көздің шырышты қабығына әсер етсе, формальдегид жүйке жүйесіне салмақ түсіреді; ♦ Никотин қатерлі ісік ауруына әкеліп соқтырады; ♦ Құрамында никотині бар буды көп жұта берсе, адамның жүрегі айниды, басы айналады. Ас қорыту жүйесі бұзылып, іші өтеді. ♦ Ал бір вейпті бірнеше адам қолданған жағдайда гепатит, туберкулез сияқты аурулар таралуы мүмкін. Жүкті әйелдерге, аллергиямен ауратындарға және кәмелет жасқа толмаған балаларға вейп шегуге болмайды. Ақпарат дереккөзі: https://massaget.kz/layfstayl/Zdorove/66902/