Балабақшаларға қойылатын талап күшейеді – Аймағамбетов

Балабақшаларға қойылатын талап күшейеді – Аймағамбетов Министрдің айтуынша, балабақшалардың жартысы техникалық, санитарлық талаптарға сай келмейтін ғимараттарда, білікті мамандарсыз және қауіпті жағдайларда ашылған. Былтыр 80%-ы мемлекеттік аттестациядан өте алмаған. Министрлік қазір бес негізгі бағыт бойынша жұмыс істеп жатыр: 1. Лицензиялауды қайтару. 2. Жұмыс жағдайы мен сапасын тексеріп, барлық балабақшаны аттестациялаудан өткізу. 3. Балабақшаларға мемлекеттік тапсырыстарды орналастыруға қойылатын талаптарды күшейту. 4. Мектепке дейінгі мекеме қызметкерлерінің кадрлық әлеуетін арттыру. Колледждер мен ЖОО-ларда мамандарды даярлау сапасын арттыру. 5. Мектепке дейінгі білім берудің жаңа моделі бойынша бағдарламалардың мазмұнын жаңарту. Сондай-ақ, тәрбиешілердің жалақысына қатысты пилоттық жоба басталған, ол бойынша екі тәрбиеші жарты күн емес, күні бойы жұмыс істеп, екі есе жалақы алады.