Банк картасы бойынша аударымдарды тексеру қашан басталады?

Елімізде салық төлеуден жалтарған кәсіпкерлерді анықтау мақсатында екінші деңгейлі банктердің картасын қолданушыларға қатысты тексерістер әлі басталмаған, деп хабарлайды ЖамбылИнфо BAQ.KZ сайтына сілтеме жасап.

Бұл туралы Қаржы министрі Ерұлан Жамаубаев мәлімдеді.

Сондай-ақ ол «Банк арқылы аударымдар көп түсетін адамдарды Мемлекеттік кірістер комитеті тізімге енгізе ме?» деген сауалға жауап берді.

Еске сала кетейік, бұған дейін 2025 жылдан бастап банктер жеке кәсіпкер емес жеке тұлғалар бойынша ақпарат ұсынатындығы туралы айтылған болатын. Соның ішінде белгілі бір алғышарттар бойынша мобильдік аударымдарға да қатысты сөз болған. Яғни үш ай бойы айына 80-100 тұлғадан ақша аударымы жасалған бір тұлғаға қатысты дерек алуға қатысты сөз болды. Ал аударымдар санын анықтау банк секторымен бірлесіп әзірленеді.