Алматыдағы «Барахолка» базарынан өрт шықты. Оның видеосы әлеуметтік желіде тарады. Алматы қалалық Төтенше жағдайлар департаметінің мәліметінше, 29 сәуір күні таңғы сағат 09:25 өрт сөндірушілер Жетісу ауданы, Солтүстік айналма тас жолы 116, «Кенжехан-1» базары мекен-жайы бойынша шақыртуға шықты.   «Өрт сөндірушілер оқиға орнына 6 минутта келді. Олар бірнеше контейнердің отқа орағанын анықтады. Оттың жапсарлас контейнерлерге таралу қаупі туындады. Дереу өрт оқпандары беріліп, автоцистерналар гидранттарға орнатылды. Қабылданған шаралардың арқасында өрт 9 минут ішінде сөндірілді»,- деп хабарлады ведомствадан. Өртті сөндіруге 40 адам мен 10 бірлік техника жұмылдырылды.