Бес айда балаларға қарсы 83 зорлау және 11 өлім дерегі тіркелді

Биыл қаңтар-мамыр айларында кәмелетке толмағандарға қатысты 1080 құқық бұзушылық тіркелді. Бұл өткен жылмен салыстырғанда 7,6%-ға артқан, деп хабарлайды Жамбылинфо ҚазАқпарат сайтына сілтеме жасап. Елімізде биылғы бес айда 1008 құқық бұзушылық қылмыс және 72-і – заңға қайшы әрекет. Қылмыстардың дені орташа ауыр - 364 жағдай. Сонымен қатар 252 ауыр қылмыс, 198 аса ауыр, одан бөлек ауыр емес 194 қылмыс тіркелді. Өткен жылдың алғашқы 5 айында кәмелетке толмағандарға қатысты 1 004 құқық бұзушылық жасалды. Бұл оның алдыңғы жылмен салыстырғанда 4,6%-ға аз. Өңірлер бойынша ең көп құқық бұзушылықтар Түркістан облысында тіркелді. Жыл ішінде 100 құқық бұзушылық болған. Одан әрі құқық бұзушылықтардың айтарлықтай саны Алматыда (89 жағдай, жылына 15,6%) және Алматы облысында (86 жағдай, 23,2%) жасалған. Ең аз құқық бұзушылық әрекеті Ұлытау облысы (15 жағдай), СҚО (26 жағдай) және Павлодар (33 жағдай) облыстарында байқалды. Балаларға қатысты құқық бұзушылықтардың көп өсуі Маңғыстау облысында (жылына бірден 67,6%-ға, 57 жағда»), ал азаю фактісі Павлодар облысында (29,8%-ға) тіркелді. Кәмелетке толмағандарға қарсы құқық бұзушылықтың көбісі жеке басқа қарсы қылмыс түріне жатады. Биыл қаңтар-мамырда 556 жағдай тіркеліп отыр. Сондай-ақ жеке мүлік құқық бұзушылығы (205 құқық бұзушылық, бір жыл ішінде 9,6%) және көлік қылмыстары (165 құқық бұзушылық, 17,9%). Құқық бұзушылықтың салдарынан көбіне он алты жасқа толмаған жасөспірімдер зардап шеккен. 158 жыныстық қатынас фактісі тіркелді. Одан әрі жол қозғалысы ережелерін бұзу (158 жағдай) сияқты балалар зардап шеккен құқық бұзушылық тіркелді. Сонымен қатар кәмелетке толмаған балалар мен жасөспірімдерге қатысты зорлау, ұрлық, жыныстық сипаттағы зорлық-зомбылық әрекеттері, бұзақылық пен балаларды жолдан тайдыру жағдайлары тіркелді.