Париж Олимпиадасының чемпионы Елдос Сметов бес баланың әкесі. Спортшы кенже ұлын алтынға теңеп, баласын «алтын бала» деп еркелетеді, деп хабарлайды Jambylinfo.kz.

Елдос Сметов аяулы жары екеуі бүгінде екі қыз, үш ұл тәрбиелеп отыр. Чемпионның кішкентайы өткен жылдың желтоқсан айында дүниеге келген. Дзюдошы ұлына Абдолла деген есім берген.

Елдос Сметов Париж төрінде чемпион атанған соң отбасына видеоқоңырау шалып, бесінші баласына қарата «Сен бала - алтын бала болдың ғой!», деп еркелеткенін ел көрді.

Айта кетейік, күні кеше Жамбыл облысының әкімі Ербол Қарашөкеев олимпиада чемпионының шаңырағына арнайы барып, оның ата-анасына «Құрмет грамотасын», ал асыл жарына «Алғыс хат» табыстаған болатын.