Парламент Мәжілісінің депутаты Дәулет Мұқаев  балабақша жұмысын  кешкі 19.00-ге дейін ұзартуды ұсынды, деп хабарлайды Jambylinfo.kz.  

Депутат ата-анасы жұмыстан кешкі 19.00-де шығатын балалар көп жағдайда балабақша қарауылының қасында қалатынын алға тартқан.

«Дұрысы, ата-анасы жұмыс істейтін балаларды кезекші топтарға біріктіріп, кешкі сағат 19.00-ге дейін қарайтын болса, дұрыс болмай ма? Мұндай тәжірибе Астана қаласындағы кейбір балабақшаларда бар. Кешкі уақыттағы кезекші топтарды елордадағы барлық балабақшада ұйымдастыру керек деп санаймыз. Мұндай қадам баласына алаңдаған ата-аналардың жұмысын жеңілдететін еді», деді депутат.