Қазақстанның халық әртісі Димаш Құдайберген 30 жасқа толатын күні, яғни, 24 мамырда Түркияда үлкен концерт береді, деп хабарлайды jambylinfo.kz. Бұл туралы осындай шараларды ұйымдастыратын BWO Entertainment компаниясы әлеуметтік желідегі ресми парақшасында жария етті. Хабарландыруға сенсек, Димаш Құдайберген туған күніне арналған жеке концертін Ыстамбулдың «Бешикташ» стадионында өткізеді.

«Әлемнің бірегей дауысы – Бешикташ стадионында. Билеттер 9 ақпаннан бастап сатылады. Димаш Құдайбергеннің 30 жасына арналған концерт», - деп жазылған хабарландыруда.

Айта кетейік, Димаш Құдайберген 1994 жылы 24 мамырда Ақтөбеде дүниеге келген.