Өнер иесінің Құлсарыда жүргенін әуелі Төтенше жағдайлар министрлігі хабарлаған. Әлемге әйгілі әнші құтқарушыларға алғысын айтып, бірге суретке түскен. 

«Ел аман, жұрт тыныш болсын. Бүкіл қайғылы күндер осы сумен кетсін. Болашағымыз жарқын болсын. Үлкендеріміз аман болсын, кішкентайларымыз өсіп, өніп, бізді қуанта берсін. Бастысы, ел аман болсын»,-деді әнші.

Димашты көргендер оны ұялы телефонына түсіріп, ризашылықтарын білдірген.

Еске сала кетейік, қазақ атын күллі әлемге танытып жүрген әнші су тасқынынан зардап шеккендерге көмек ретінде өз атынан 15 миллион теңге аударған еді.