Тексеру барысында 46 мың көлік қаралып, 1 080 шетелдік азаматтың жеке тасымал қызметімен айналысқаны белгілі болды, - деп хабарлайды Jambylinfo.kz

«Олардың 691-і мобильді қосымшалар арқылы көші-қон заңнамасын бұзып, жеке тасымалмен айналысқан. 234 шетелдік азамат заңсыз еңбек қызметін жүзеге асырғаны үшін, 457 шетелдік азамат ҚР-да болу мерзімін бұзғаны үшін жауапқа тартылды.  Сот шешімімен 175 шетелдік такси жүргізушісі ел аумағынан шығарылды. Олардың 103-і жеке басын анықтау үшін қабылдау-тарату орындарына орналастырылды», - делінген ақпаратта. 

Сондай-ақ 38 қазақстандық шетелдік азаматтарды заңсыз жұмысқа тартқаны үшін әкімшілік жауапқа тартылды.

Рейд нәтижесінде заңсыз тасымал мәселесіне қатысты бірқатар заңбұзушылықтар анықталды.