Елімізде алдағы демалыс күндері ауа райы күрт өзгереді
Бұл туралы ақпаратты казгидромет мәлімдеді
Елімізде алдағы демалыс күндері ауа райы күрт өзгереді, деп хабарлайды Jambylinfo.kz
Синоптиктердің болжамы бойынша еліміздің басым бөлігіндегі ауа-райын Солтүстік және Оңтүстік циклондар айқындайтынын айтты.
“14-15 желтоқсанда жаңбыр мен қар түрінде жауын-шашын, кей уақыттарда қатты жауын-шашын болуы болжанады. 16 желтоқсан қар, еліміздің шығысында, оңтүстік-шығысында қалың қардың жаууы күтіледі. Республика бойынша көктайғақ, тұман, желдің күшеюі, боран күтіледі”,-деді Қазгидромет мамандары.
Айта кетейік, Қазақстанның солтүстік-батысында түнде ауа температурасының 10-18 аяз болса, солтүстігінде, орталығында 15-25 аяз болады. Ал республиканың оңтүстігінде, оңтүстік-шығысында 10-17 аязға дейін, таулы аудандарда 20-27 аязға дейін төмендеуі күтілуде.