Енді елде баспанасы жоқ әрбір адам үй алу кезегіне тұра алады
Басты шарт – соңғы 5 жылда атында жылжымайтын мүлкі тіркелмеуі тиіс
Мемлекет басшысы Қасым- Жомарт Тоқаев тұрғын үй саясатын реформалау жөніндегі заңға қол қойды. Онда баспана кезегіне тұруға қатысты осындай өзгеріс бар, деп хабарлайды Jambylinfo.kz.24 kz-ке сілтеме жасап.
Айта кетейік, қолданыстағы заңға сай, елде баспана кезегіне белгілі санаттағы азаматтар ғана тұра алады. Мәселен, бұл көп балалы отбасылар, жетім балалар, 1 және 2-топтағы мүгедектер, мемлекеттік қызметшілер, бюджеттік сала жұмыскерлері, тағы басқа топтар.
Бұл – біріншіден, ұзақ уақыт кезекте тұрған адамдарды баспанамен қамтуға мүмкіндік береді. Әзірше құжаттарды egov.kz порталы арқылы тапсыруға болады. Заң күшіне енгенімен, Отбасы банкі 6 айдан кейін жұмысты толық бастайды.