Түркия президенті Режеп Тайип Ердоған елдің оңтүстік-шығысындағы Ширнак провинциясының Джуди және Габар аудандарында мұнайдың жаңа қоры табылғанын мәлімдеді. Жаңа кен орнының өндірістік қуаты тәулігіне 100 мың баррельге бағаланып отыр. «Мен жақсы жаңалықпен бөліскім келеді. Біз Джуди мен Габарда өндірістік қуаттылығы тәулігіне 100 мың баррельді құрайтын мұнай қорын таптық», - деді Ердоған Еуропадағы ең ірі күн электр станциясының (Қарапынар КЭС) ашылуына және Конья провинциясында жақында аяқталған басқа да нысандардың іске қосылуына арналған салтанатты шарада.