Ақтөбе облысының тұрғыны терроризмді насихаттағаны үшін 6 жылға бас бостандығынан айырылды. Сондай-ақ 2022 жылдың соңында халықаралық террористік ұйымға қатысы бар жалған уағызшының YouTube бейнеконтентінің веб-сілтемесі бұғатталды. Бас прокуратура интернет кеңістігінде радикалды идеялардың таралуы айтарлықтай қауіп төндіріп отырғанын айтады. 2017 жылы «Киберқадағалау» жобасы іске қосылды. Содан бері діни экстремизм мен терроризм белгілері бар 900 мыңнан астам сілтеме бұғатталды.