Аталмыш шараға аймақ басшысы Ербол Қарашөкеев те қатысып, Бәйтерек шағын ауданындағы №3 мектеп-лицейдің ауласына ағаш отырғызды, - деп хабарлайды Jambylinfo.kz

Жалпыхалықтық сенбілік аясында білім ұясының айналасына 200 тал егілді.

Айта кету керек, бұл сенбілік ҚР Экология және табиғи ресурстар министрлігінің бастамасымен ағымдағы жылдың 15 наурыз бен 20 сәуір аралығында «TazaLike» акциясы аясында ұйымдастырылды. Өңірде науқанға сай іс-шаралар жоспары бекітіліп, соның алғашқы шарасы «Таза қала» атауымен бүгін Тараз шаһарында өтті.

Бүгінгі күнге егілетін тал-дарақтардың орындары белгіленіп, «Жасыл Ел-Тараз» ЖШС тарапынан ұйымдастыру шаралары жүргізілетін болады. Аймақта акция аясында 7000-нан аса ағаш отырғызу жоспарланған.