Жамбыл облысының әкімі Ербол Қарашөкеев белгілі пара спортшы Өмірәлі Нышанның қазасына орай, марқұмның жақындарына қайғыра көңіл айтты, деп хабарлайды Jambylinfo.kz.

Ербол Шырақпайұлы 
ардақты азаматтың қазасын зор күйзеліспен қабылдағанын жазған. 

"Нышан бауырымыз ер азаматқа тән өр мінез, батырлық пен батылдық, қайсарлық сынды қасиеттерімен ерекшеленді. Асқақ рухтың жарқын үлгісін көрсетті. Байрақты бәсекелерде Әнұранымызды әуелетіп, көк Туымызды биікте желбіретті. Толағай табыстарға жетті. Пара таеквондошы екі дүркін Әлем чемпионы, Азия чемпионы, сондай-ақ Азия ойындарының және түрлі халықаралық дүбірлі додалардың жүлдегері атанды. Паралимпиада ойындарында да бар күш-жігерін жұмсап, ел намысын абыройлы қорғай білді. Марқұмның иманы саламат, жатқан жері жайлы, топырағы торқа болсын! Артында қалған туған-туыстарына ұзақ ғұмыр тілеймін!", -деп жазған облыс әкімі.