Актёр, «Дарын» мемлекеттік жастар сыйлығының лауреаты Аян Өтепберген кеш үйленгеніне өкініш білдіретінін айтып, жігіттерге 19-20 жаста отау құруға кеңес берген, деп жазады jambylinfo.kz.

Актёрдің айтуынша, отбасылық өмірде береке бар. 

"Иә, өте ерте үйленуім керек еді. Отбасылық өмір әдемі екен. Егер мені 19-20 жастағы жігіттер көріп отырса, тезірек үйленіңіздер деп айтар едім", -дейді актёр. 

Аян Өтепбергеннің пікірінше, мына дүниеде барлық жетістікке өмірлік серігіңмен бірге жетуге болады. 

Еске салайық, актёр былтыр, яғни 2023 жылы 32 жасында шаңырақ көтерген болатын.