Forbes әлемдегі миллиардерлердің жыл сайынғы тізімін жариялады. 36-шы рет шығып отырған тізімде қазақстандықтар да бар. Биыл оған 2668 адам еніп отыр.

Forbes әлемдегі миллиардерлердің жыл сайынғы тізімін жариялады. 36-шы рет шығып отырған тізімде қазақстандықтар да бар.

Биыл оған 2668 адам еніп отыр,

Forbes.com сайтындағы мәліметке сүйенсек, биыл әлемдегі байлар көшін 219 миллиард доллар қаржысымен Илон Маск бастап отыр. Ол Tesla электромобильдерінің иесі. 2021 жылы байлығы 151 миллиард доллар болған Масктің акциялары бір жылда 33 пайызға артып, 68 миллиард доллар пайдаға кенелген.

Илон Маск

Соңғы 4 жылда бірінші орыннан түспеген АҚШ миллиардері Джефф Безос Amazon интернет-компаниясы акцияларының 3 пайызға арзандауынан екінші орынға тұрақтады. Оның байлығы 171 миллиард долларға бағаланған.

Джефф Безос

Үшінші орында 158 миллиард доллар қаржысымен француз магнаты Бернар Арно тұрса, төртінші орында Билл Гейтс. Әлемдегі байлар тізімінің бестігін 118 миллиард долларымен Уоррен Баффет аяқтап отыр.

Бернар Арно

Жалпы, Forbes тізіміне ілінген 2668 азаматтың арасында қазақстандық 5 адам бар. Бұл бестіктің көшін кәсіпкер, магнат Владимир Ким бастап тұр. Оның байлығы 5 миллиард долларға бағаланған. 2021 жылы қаражаты 4,6 миллиард доллар еді.

Владимир Ким

Мұнан кейін 3,8 миллиард доллар қаражатымен Тимур Құлыбаев пен Динара Құлыбаева бар. Ақпаратқа сүйенсек, Тимур Құлыбаев 2021 жылы 2,8 миллиард доллар қаржысымен әлем көшінде 1111 орында болса, бір жыл ішінде 1 миллиард долларға байып, 778-ші орынға жайғасқан. Динара Құлыбаева да тізімде көтеріліп отыр.