Геннадий Головкин World Boxing ұйымының президенті болуға үміткер атанды

Әйгілі қазақстандық боксшы Геннадий Головкин халықаралық World Boxing ұйымының президенті қызметіне үміткер болды. Қазір ол осы лауазымға басты үміткерлердің бірі саналып отыр, деп хабарлайды Jambylinfo.kz 

Бұған дейін ұйым басшылығына украиналық танымал спортшы Владимир Кличко да ұсынылған еді, алайда оның кандидатурасы жарияланғаннан кейін көп ұзамай сайлаудан алынып тасталды.

Головкин президент болып сайланған жағдайда, 2028 жылы Лос-Анджелесте өтетін Олимпиада ойындарында боксты үйлестіру мүмкіндігіне ие болады. Бұл – отандық спорт үшін үлкен мәртебе және тарихи сәт болмақ.