Грузия Парламенті "Шетел агенттері туралы" заң жобасын біріні оқылымда мақұлдағаннан кейін, елде жаппай тәртіпсіздіктер басталды. Оппозиция жақтастары мен қоғам белсенділері Тбилисидегі Парламент ғимаратының алдында жиналып, халықты аталған заң жобасы жойылғанша күнде наразылық акциясына шығуға шақырды. Оларға үн қосқан халық саны бірден бірнеше мыңға дейін жетті. Ал әуелде бейбіт митингке жиналған халық түнге қарай Парламент ғимаратының терезелерін сындырып, ішке кіруге талпынған. Полиция оларға көз жасаурататын газ бен су шашырататын қару қолдана бастаған. Кейінірек спецназ келіп, шерушілерді Парламент алдынан кері шегеріп тастады. Билік көшбасшыларымен қоса 66 оппозиционерді тұтқынға алған.