Бұл шаралар Қазақстан Республикасы Қарулы күштері Құрлық әскерлерінің жауынгерлік даярлық жоспары аясында іске асырылуда, деп хабарлайды Jambylinfo.kz 

Оқу-жаттығу барысында, 12 қыркүйектен бастап, бірнеше облыс аумағында әскери күштер мен техниканың қозғалысы жоспарланған. Әскери бөлімшелер (жеке құрам мен техника) аралас – теміржол және автокөлік арқылы орын ауыстырып, кейін тұрақты дислокация пункттеріне оралады.

— Азаматтарды сабыр сақтап, тек ресми ақпарат көздеріне сүйенуге шақырамыз. Жалған ақпарат таратқандардың қылмыстық жауапкершілікке тартылатынын еске саламыз, — делінген ресми хабарламада.

Қорғаныс министрлігі оқу-жаттығу кезеңінде кейбір аумақтарда уақытша шектеулер енгізілуі мүмкін екенін хабарлады.