8 наурыз мерекесінде еліміздің перзентханаларында акушер-гинекологтар 764 сәбиді аман-есен дүниеге әкелді, - деп хабарлайды Jambylinfo.kz ҚР Денсаулық сақтау министрлігіне сілтеама жасап.

Жалпы 769 нәресте өмірге келсе, олардың 366-сы – қыз бала, 403-і – ұл бала. Сонымен қатар, бес егіз сәби дүниеге келіп, енді олар да туған күндерін 8 наурызда атап өтетін болады, – делінген хабарламада.

Ең көп нәресте Түркістан облысында дүниеге келді – 126 сәби. Екінші орында Алматы – 76, одан кейін Шымкент – 71, ал елордада 65 отбасы сәбилі болды.