TikTok желісінде Мақағали Мақатаевты "сорлы еркекке" теңеп, халықтың ашуына тиген блогер Әлішер Теменов ақынның ескерткішіне барып кешірім сұраған, деп хабарлайды Jambylinfo.kz.

Блогердің әлеуметтік желіде тараған видеосы халықтың наразылығын тудырды. 

Әсіресе, ақиық ақынның туған жері Алматы облысы, Нарынқол ауданы, Қарасаз ауылының тұрғындары Әлішер Теменовке реніш білдіріп,  жас жігіттің ақынның әруағына тіл тигізгені үшін қарғысқа ұшырағанын ашына айтқан. 

Ал блогер халықтан кешірім сұрап, әлеуметтік желідегі парақшаларын өшіретінін тілге тиек еткен.