ІІМ офицері есірткі жасырушыны ұстады, деп хабарлайды Jambylinfo.kz

Көктемгі мереке күндері Астанада қоғамдық тәртіпті қамтамасыз ету барысында Ішкі істер министрлігінің кадр қызметінің офицері есірткі жасырушыны құрықтады.

Ішкі істер органдарының барлық бөлінісі күшейтілген кезеңге ауыстырылған болатын. Сол кезеңде министрліктің орталық аппаратынан Астана қаласының көшелеріне қоғамдық қауіпсіздікті сақтауға, профилактикалық жұмыстар жүргізуге қызметкерлер жұмылдырылды. Олардың арасында өзім де болдым. Әр қызметкерге бекітілген аймақ болды. Онда кешкі сағат 18:00-ден түнгі 01:00-ге дейін қызметімізді атқардық. Қызмет атқару барысында түнгі сағат 00:00-лер шамасында қарама-қарсы келе жатқан екі жас азаматты байқадым. Олар мені көре сала, тез арада көпқабатты үйлердің ауласына кіріп кеткен болатын, - деді ІІМ кадр саясаты департаментінің ерекше тапсырмалар жөніндегі аға инспекторы Есжан Арыстанов.