Кеше Израиль армиясының Сирияның Пальмира қаласына әуе шабуылын жасады. Кем дегенде 36 адам қаза тауып, тағы 50 адам жараланған деп хабарлайды Jambylinfo.kz qazaqstantv cілтеме жасап. 

Ал Газа секторындағы «Камал Адван» ауруханалық кешеніне жасалған израильдіктердің шабуылынан кем дегенде 66 адам қайтыс болды. Ливанның оңтүстігіне жасаған шабуылдан 15 адам қаза тауып, 68 адам жараланған. Бұл туралы бүгін Al Jazeera хабарлады.

Айта кетейік, АҚШ БҰҰ Қауіпсіздік Кеңесінің тұрақты емес 10 мүшесі әзірлеген Газада атысты тоқтату туралы қарарына вето қойды. Вашингтон «кепілге алынғандар босатылмайынша» қарарды қолдай алмайтындығын айтып, Газадағы атысты келісімсіз тоқтату талабына қарсы шықты.

Израиль премьер-министрі Биньямин Нетаньяху анклавқа жасаған сапары кезінде «Газа секторында кепілге алынған әр тұтқынды қайтарғаны үшін» палестиналықтарға бес млн доллар сыйақы тағайындады.

Одан бөлек, Жаңа Зеландия «Хезболл«» мен «Ансар Алланы» террористік ұйым деп таныды. Тиісті шешімді ел үкіметінің ресми басылымы New Zealand Gazette жариялады.