Қазақстандық оқушылар 28 қазан мен 4 қараша аралығында яғни 7 күн демалады. Бірақ 25 қазан елімізде Республика күні атап өтілетіндіктен оқушылардың демалысы 25 қазаннан басталады. Бұл туралы Оқу-ағарту министрлігінің баспасөз қызметі хабарлады, деп жазады Jambylinfo.kz.

«Қазақстанда 25 қазан күні Республика күні аталып өтіледі. Ал 26-27 сенбі-жексенбіге түсетіндіктен мектеп оқушыларының күзгі демалысы 25 қазан мен 4 қарашаға дейін жалғасады. Осының бәрін қосқанда жалпы, мектеп оқушыларының демалысы 10 күнге созылады»,-делінген министрліктің хабарламасында.