"Көшеде дәрет сындырған, қызметтік көліктің айнасын талқандаған". Астанада қоғамдық орында тәртіп бұзғандар жазаланып жатыр
Елордада қоғамдық тәртіпті бұзушыларды, басқалардың мүлкіне қол сұғатын және адамдар көп жиналатын жерлерде тәртіп бұзатын вандалдарды анықтау және жазалау жалғасып жатыр
Бұл туралы Астана әкімдігінің ресми сайты жазды.
Сонымен, ақпан айының басында түскі ас кезінде 42 жастағы ер адам мас күйінде Кравцов көшесіндегі дүкендердің біріне кіріп, сатушымен жанжал шығарған. Жанжал кезінде ол дүкеннің мүлкіне зиян келтірді. Соттың шешімімен ол 7 күнге қамауға алынды.
Тағы бірде елорданың 25 жастағы тұрғыны Мәңгілік Ел даңғылындағы қоғамдық орында дәретке отырған. Оған айыппұл салынды.
Кешкі уақытта Алаш тас жолындағы қалалық дәмханалардың бірінің жанында 29 жастағы мас адам қызметтік көліктің алдыңғы айнасын сындырды. Ол 15 күнге қамауға алынады.