Қазақстан мен Қытай арасындағы автотасымал саласында жаңа кезең басталмақ, деп хабарлайды Jambylinfo.kz 

Екі ел құзырлы министрліктерінің келіссөзі нәтижесінде рұқсат бланкілерін берудің шектеусіз жүйесіне көшу туралы уағдаластыққа қол жеткізілді.

Биыл 6–12 қараша аралығында Қытай тарапы Қазақстанға 15 мың рұқсат бланкін береді. Осы кезеңде қазақстандық тасымалдаушылардың нақты тәуліктік сұранысы анықталып, оның негізінде рұқсаттар күн сайын автоматты түрде берілетін жүйе іске қосылады.

Көлік министрлігінің хабарлауынша, 2026 жылдан бастап рұқсат бланкілеріне қойылған сандық шектеу толығымен жойылады. Сол кезде Қытайға электронды кезек арқылы кіретін, бұрын заң бұзушылық жасамаған барлық көліктерге рұқсат автоматты түрде беріледі.