Кофе пайдалы ма, зиян ба – ғалымдар жауабы

Көптеген адам таңғы асын бір кесе кофеден бастайды. Американдық кофе қауымдастығының мәліметтері бойынша, 10 американдықтың 7-і апта сайын кофе ішеді, ал 62%-ы бұл сусынды күн сайын тұтынады. Кофе әуесқойларына бұл сусынның ағзаға қандай әсері бары қызықты шығар. Соңғы зерттеулер қалыпты жағдайда қолдану ешқандай зиян келтірмейтінін көрсеткен. Мәселен, биыл Еуропалық кардиология қоғамы кофенің жүрекке әсері туралы жаңа зерттеу нәтижелерімен бөлісті. Егер сіз күн сайын үш кесеге дейін кофе ішсеңіз, инфаркт, сондай-ақ жүрек-тамыр ауруларынан қайтыс болу қаупі азаяды. BMC Public Health ғылыми журналында жарияланған тағы бір зерттеу кофе ішушілерден бауырдың созылмалы ауруларын табу мүмкіндігі 21% төмен, ал мұндай аурулардан болатын өлім-жітім 49%-ға азайғанын көрсетті. Ең бастысы, кофені қалыпты мөлшерде қолдану маңызды. Егер сіз кофені тым көп ішсеңіз, жүрек соғуыңыз жиілеп, мазасыздық пен ұйқысыздық пайда болуы мүмкін. Сонымен қатар 2017 жылғы зерттеу кофеинді шамадан тыс тұтыну құнарлылыққа теріс әсер етуі мүмкін екенін анықтады. Ғалымдардың пікірінше, күніне үш кесе кофе ішетін жүкті әйелдерде түсік тастау қаупі артады. Күніне алты кеседен артық кофе ішу өте қауіпті - зерттеулер көрсеткендей, егер сіз кофеиннің осы мөлшерін үнемі тұтынсаңыз, жүрек ауруының қаупі айтарлықтай артады. Өзіңіздің сүйікті сусыныңызды қалыпты мөлшерде тұтынсаңыз, сіз одан тек пайда көресіз.