Оңтүстік Кореяда Қазақстанның үш азаматы шетелдіктерге жалған құжат жасады деген күдікке ілінді. Бұл туралы СІМ ресми өкілі Айбек Смадияров мәлім етті. Кореяның иммиграциялық билігі ақпаратына сәйкес, 12 ақпан күні Қазақстанның үш азаматы ұсталды. Оның екеуі тұтқынға алынып, үшіншісі елден кетпеу туралы қолхатпен бостандыққа жіберілді. Белгілі болғандай, азаматтар босқын мәртебесін алуға арналған өтінімге жалған тарих жасау және әлеуметтік желі арқылы шетелдіктерге, оның ішінде Қазақстан азаматтарына жекелеген құжаттарды дайындау күдігіне ілігіп отыр.