Бүгін Астанада тұрғын ішінде баланың бетін тілгілеген жасөспірім бұған дейін қыз балаға зәбір көрсетпек болған анықталды,-деп хабарлайды Jamylinfo.kz.

Табылған видеода жәбірлеуші жасөспірімнің қыз балаға лифтпен төмен түсуге мүмкіндік бермей тұрғанын байқауға болады. 

Айта кетейік, елордадағы Денсаулық сақтау басқармасы ауыр жарақаттары бар балаға ота жасалғанын және оның өміріне қауіп төнбейтінін хабарлады.

“Жарақат салдарынан бетінің жұмсақ тіндері кесілген бес жасар бала №2 көпсалалы балалар ауруханасының жақ-бет хирургиясы бөліміне жатқызылды. Дәрігерлер оны қарап, ота жасап, қан тоқтату үшін тамырларын байлады. Баланың жалпы жағдайы алған пышақ жарақаттарына байланысты ауыр деп бағалануда, алайда операциядан кейінгі жағдайы тұрақты”, – деп мәлімдеді басқарма өкілдері.

Зардап шеккен балаға барлық қажетті медициналық көмек пен мамандардың кеңесі толықтай көрсетіліп жатыр.

Еске сала кетейік, Астанада жасөспірім лифт ішінде бес жасар балаға пышақпен шабуыл жасап, бірнеше жарақат салған еді.