Президент қабылдауынан шыққан Париж Олимпиадасының чемпионы Елдос Сметов желідегі парақшасына жазба жариялап, жанкүйерлеріне  мәлімдеме жасады, деп хабарлайды Jambylinfo.kz.

Ол спорттық мансабындағы жоспарларын айтты. 

«Бүгін Мемлекет басшысының қабылдауында болдық. Спорт жолы оңай емес. Бізге әрқашан қолдау білдіріп келген ең алдымен халқыма және Мемлекет басшысына ерекше алғыс білдіремін. Жанымнан табылған отбасыма, жаттықтырушыма мың алғыс. Қазақ елі жасасын! Көк туымыз биікте желбіресін! Лос-Анджелесте кездескенше», - деп жазды Елдос Сметов.