Бұл ретте «Әулие ата» кәсіпқой клубын айтпасқа болмас. Талай дүбірлі додаларда топ жарып жүрген бір ғана көкпар командамыз осымен 13 жыл қатарынан Қазақстанның чемпионы атанды. Жалпы ұлттық спортты ұлықтаған кәсіпқой клубта бүгінгі таңда 8 спорт түрі қолға алынған. 
 
«Әулие ата» кәсіпқой клубы 2004 жылы құрылған. Түрлі кезеңдерді бастан өткерген клуб жұмысын тоқтатпады. Құрамы кіл мықтылармен толығып, қазір мұнда 300-ден аса спортшыны 14 білікті жаттықтырушы  тәрибелеп жатыр. Ұлттық спорттың көкпар, аударыспақ, дәстүрлі садақ ату, жамбы ату, теңге ілу, асық ату, бес тас пен құсбегілік және тоғызқұмалақтан түрлерінен жастар мен жасөспірімдер қатысады. 

-Спортшылар жас ерекшеліктеріне қарай ересектер, жастар және жасөспірімдер тобына бөлініп жаттығады. Қазіргі таңда мекемеде жаттығатын спортшылардың қатарында 3 «Қазақстан Республикасының еңбек сіңірген спорт шебері», 28 «Қазақстан Республикасының спорт шебері» және 19 «Спорт шеберіне үміткер» бар.2023 жылы ресми жарыстарда иеленген медальдар саны: 27 медаль ( 8 алтын, 6 күміс, 13 қола)-, дейді «ӘУЛИЕ-АТА» кәсіпқой клубының  басшысы  Нұрдәулет Момынов   

Кәсіпқой клубтың жеткен жетістіктері аз емес. Соның ішінде, «Әулие-Ата» көкпар командасы 2022 жылы Түркияда өткен дүниежүзілік көшпенділер ойындарында жеңімпаз атанды. Ал биыл бұл байрақты бәсеке 5-ші ретстана қаласында өтпек. Кәсіпқой клуб басшысы спортшылар жарысқа тыңғылықты дайындық үстінде-, дейді.

-Көшпенділер ойынын жоғары деңгейде өткізу және сол жерде жоғары жетістікке қол жеткізу. Ол жерде  ең басты спорттың бірі көкпар болып тұр. Қырғыстан мемлекетімен Қазақстан мелекетінің арасында тартысты ойын өтеді. Алдындағы түркия мемлекетінде бәрі осы ойынды күтті, ол жерде біздің қазақ мемлекеті жеңіс сыйлап Қырғыстанды 4:2 есебімен ұтқан болатын-, дейді «ӘУЛИЕ-АТА» кәсіпқой клубының  басшысы  Нұрдәулет Момынов   

Клуб басшысының айтуынша қазіргі таңда дүбірлі жарысқа ұлттық құрама командасы жасақталып жатыр.  Жамбылдық спортшылар көкпар, жамбы ату, аударыспақ,бәйге, құсбегілік бойынша ұлттық құрама сапасына кірген. Алайда әлі де іріктеу жұмыстары жалғасып жатыр екен.

ҚАЙРАТ ӘБСАМАТ
М.Х.Дулати атындағы Тараз өңірлік университетінің 4 курс студенті