Коронавирус инфекциясының таралуының жаңа өршуі күзде болуы мүмкін. Бұл болжамды Ұлыбритания Ұлттық статистика басқармасының басшысы Иэн Даймонд 14 наурыз күні айтты. «Күзде инфекцияның жаңа толқыны болатынына күмәнім жоқ», - деді Ұлыбритания Ұлттық статистика басқармасының басшысы Иэн Даймонд «Би-би-си» телеарнасында. Маманның айтуы бойынша, COVID-19-дың келесі толқыны қашан болатынына болжам жасау үшін қолданылатын вакциналардың тиімділігін түсіну маңызды. «Біз бұл вирустың ешқайда кетпейтінін мойындауымыз керек», - дейді ол. 4 наурызда The Mirror басылымы Ұлыбританияда коронавирус инфекциясының жаңа штамы пайда болғаны туралы жазған болатын. Басылымда COVID-19-дың бұл нұсқасында оңтүстікафрикалық және бразилиялық мутациямен ортақ ұқсастығы бар екендігі айтылған. Ол кезде вирустың осы түрімен 16 адам ауырғаны белгілі болды және олар оқшауландырылған еді.