Ұлыбританиядан велосипедпен шыққан саяхатшы 146 күнде Қазақстанға жетті, деп хабарлайды Jambylinfo.kz  qazaqstantv сілтеме жасап.

25 жастағы жігіттің әкесі – ағылшын, анасы – қазақ. Қазір олар Лондонда тұрып жатыр. Анасы саяхатшы ұлына Аманжол есімін беріпті. 

Аманжол Николас нағашы жұртын іздеп, Петропавлға келген. Ол Қазақстанға келем дегенше 20 елді басып өткен. 

Аманжолдың алыс сапарға алғаш шығуы. Оның айтуынша, Қазақстан аумағына кірген кезде ауа райына қатысты қиындықтар болған. 

Енді ол Лондонға қайтар жолда велосипедпен емес, пойыз, автобус, паромдармен жүруді жоспарлап отыр. Ал қайтар уақытқа дейін Петропавлда болып, нағашыларымен уақыт өткізбек.