Мұғалімдер 5 күндік жұмыс аптасына көшті- бұйрық

ҚР Оқу-ағарту министрі педагогтерді бескүндік жұмыс режиміне көшіру туралы бұйрығы күшіне енді, деп хабарлайды ҚазАқпарат .

Құжат бойынша үш ауысымдық оқыту режимінде жұмыс істейтін және орын тапшылығы бар, техникалық және кәсіптік, орта білімнен кейінгі білім беру ұйымдарынан басқа мектепке дейінгі тәрбие және оқыту орындарында, орта білім беру ұйымдарында бес күндік жұмыс аптасы белгіленеді. Яғни, демалыс күндері сенбі мен жексенбі болмақ. Ал үш ауысымдық жүйемен оқытатын және орын тапшылығы бар орта білім беру ұйымдарында аптасына алты күн жұмыс істейтін педагогтер үшін демалыс күні жексенбі болады. Бұйрықта қосымша білім беру бағдарламалары бойынша шарттық негізде жұмыс істейтін мектепке дейінгі ұйымдардың педагогтерінің жұмыс уақыты мен демалыс режимі ішкі тәртіп ережелерімен белгіленетіні айтылған. Құжат 1 қазаннан бастап күшіне енді.