Бұл туралы «Әлеуметтік медициналық сақтандыру қоры» Жамбыл облысы бойынша филиалы хабарлады.Филиал директоры Ғайни Аймағанбетованың айтуынша, төменде көрсетілген азаматтар МӘМС жүйесінде мемлекет есебінен сақтандырылады.

Олар:

Балалар;

Жұмыс істемейтін жүкті әйелдер (соңғы екі айда олар үшін зейнетақы және әлеуметтік аударымдар жүргізілмеген жағдайда);

Үш жасқа дейінгі баланың заңды өкілдерінің бірі – жұмыс істемейтін ата-ана;

Жүктілік пен босануына, жаңа туған баланы (балаларды) асырап алуына, сондай-ақ бала үш жасқа толғанға дейін оны күтуге байланысты демалыста жүрген адамдар;

Мүгедектігі бар балаға күтім жасайтын жұмыс істемейтін тұлғалар;

Бірінші топтағы мүгедектігі бар адамға күтім жасайтын жұмыс істемейтін тұлғалар;

Қазақстанның Бірыңғай жинақтаушы зейнетақы қорынан зейнетақы төлемдерін алушылар, оның ішінде ҰОС ардагерлері;

Сот үкімімен қылмыстық-атқару жүйесі мекемелерінде жазасын өтеп жатқан адамдар (ең төменгі қауіпсіздік мекемелерін қоспағанда);

Тергеу изоляторларында отырған, сондай-ақ қамауға алу түріндегі бұлтартпау шарасы қолданылған жұмыс істемейтін тұлғалар;

Жұмыс істемейтін қандастар;

«Алтын алқа», «Күміс алқа» иегерлері, бұрын «Батыр ана» атағын алғандар, сондай-ақ «Ана даңқы» І және ІІ дәрежелі ордендерімен марапатталған көп балалы аналар;

Мүгедектігі бар адамдар;

Орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдарында күндізгі бөлімде оқитын студенттер;

Мемлекеттік атаулы әлеуметтік көмек алатын жұмыс істемейтін тұлғалар;

Ресми түрде тіркелген жұмыссыздар (2026 жылдан бастап олардың МӘМС жарнасын жергілікті атқарушы органдар төлейді);

2026 жылдан бастап дағдарысты және шұғыл әл-ауқат деңгейіндегі (D және E санаттары) азаматтар мен ресми тіркелген жұмыссыздар МӘМС жүйесіне жергілікті бюджет есебінен қамтылады. Бұл шара республика бойынша шамамен 1 миллионға жуық адамды қосымша сақтандыруға мүмкіндік береді.

Айта кетейік, Жамбыл облысында D және E санаттарына жататын азаматтардың саны шамамен 69 мың адамды құраса, ресми түрде тіркелген жұмыссыздар саны 13 мыңнан асады.