Мәжіліс қаңтарда таратылуы мүмкін

Мәжілістің Заңнама және сот-құқықтық реформа комитетінің төрағасы Арман Қожахметов жақын арада палата таратылуы мүмкін екендігін растады. «Ол үшін бәрі дайындалды. Заңнамалық базаны айтып тұрмын, мәслихаттар да, депутаттар да сайлаудың аралас жүйесі болатыны туралы заңдарға тиісті өзгерістер енгізілді. Жақын арада болатынын жоққа шығармаймын. Нақты күндерін әлі білмеймін, мүмкін осы айда», – деді мәжілісмен. Ал Мәжілістің жаңа құрамы жайлы сұрағына ол: «AMANAT партиясының мүшесі екенімді білесіздер және бұл мәселені партия шешеді. Сондықтан партия съезінде тізімге енетін кандидаттардың аты-жөні нақтыланады», – деді А.Қожахметов.