Төрткүл дүние көз тіккен Чемпиондар лигасының финалдық матчында королдік “Реал Мадрид" командасы мен дортмундық “Боруссия” ойнап, “Реал Мадрид” командасы жеңіске жетті. “Уэмбли" стадионы өткен матчтың алғашқы таймында есеп асылған жоқ. Тек екінші таймның 74-минутында Тони Кросстың бұрыштамадан көтерген добын Дани Карвахаль баспен қақпаға дәл бағыттап есеп ашып, командасын алға шығарды. Ал Винисиус Жуниор 83-минутта екінші голды соғып, ойынның тағдырын шешті. Осылайша, “Реал Мадрид” командасы өз тарихында он бесінші рет Чемпиондар лигасының жеңімпазы атанып отыр.

Айта кетейік,  “Боруссия Дортмунд” 11 жылдың ішінде алғаш рет Чемпиондар лигасының финалына шыққанын еді. 11 жыл бұрын да финалда ұтылып, чемпион атана алмаған болатын.