Медеудегі лай көшкіні бөгетінен табылған мәйіттің кім екені анықталды
Марқұм 19 жастағы Жәкежан Сержан Серікұлы Алматы облысының тұрғыны болып шықты.
Бұл туралы «Лидер» еріктілер қозғалысы әлеуметтік желідегі парақшасына жазды.
Полиция дерегі бойынша, ол Алматы облысы, Іле ауданы, Ащыбұлақ ауылындағы үйінен 22 ақпанда таңғы сағат 09:00 шамасында шығып кетіп, қайта оралмаған.
Қандай жағдайда өлгенін қазір полиция анықтап жатыр.
Бұдан өзге мәлімет тергеу құпиясына байланысты жария етілмейді.