Жамбыл облысы, Байзақ ауданы, Сарыкемер ауылындағы мектепте адамдардың тағамнан улану дерегі бойынша полиция департаментімен Қазақстан Республикасы қылмыстық кодексінің 304 бабы 1 бөлімімен сотқа дейінгі тергеу амалдары басталды. Жамбыл облысының санитарлық эпидемиологиялық бақылау департаментінің алғашқы лабораториялық зерттеу қорытындысына сәйкес  алдын ала болжам бойынша 12 түрлі тағам өнімінің ішінен ішек таяқшасы тобының бактерияларына оң нәтиже көрсетілді. Толық сараптама қорытындысы ағымдағы жылдың 21 қарашадан соң белгілі болады.Қазіргі таңда тексеру жалғасуда- деп мәлімдеді Гүлсара Мұхтарқұлова, Жамбыл облыстық ПД баспасөз хатшысы.