Президент Қасым-Жомарт Тоқаев ауыл әкімдерінің диалог-платформасында ауыл әкімдерін тікелей сайлау туралы бастама мемлекетті басқару ісін түбегейлі жаңғырту жолындағы маңызды қадам болғанын атап айтты, деп хабарлайды Jambylinfo.kz 

«Біз орынсыз асығыстыққа жол берген жоқпыз, ауыл әкімдерін сайлау жұмысын 5 жылдың ішінде біртіндеп жүзеге асырдық. Бүкіл еліміз бойынша 2334 ауыл әкімі сайланды. Олардың орташа жасы – 43 жас. Жаңадан сайланған әкімдердің үштен бірі – бұрын мемлекеттік қызметте болмаған азаматтар», - деді Президент.