Мемлекет басшысы Шри-Ланка Президентін Тәуелсіздік күнімен құттықтады
Қазақстан Президенті Қасым-Жомарт Тоқаев Шри-Ланка басшысы Анура Кумара Диссанаякеге құттықтау жеделхатын жолдап, оны және барша Шри-Ланка халқын ұлттық мерекелері – Тәуелсіздік күнімен құттықтады
Бұл туралы Ақорданың баспасөз қызметі мәлімдеді, - деп хабарлайды Jambylinfo.kz
Мемлекет басшысы жеделхатында Шри-Ланканың орнықты дамуы мен халықаралық аренадағы беделін арттырудағы жетістіктерін атап өтті.
– Қазақстан Шри-Ланкамен қарым-қатынасты одан әрі тереңдетуге баса мән береді. Елдеріміз арасындағы дәстүрлі достық пен берік ынтымақтастық болашақта да халықтарымыздың игілігі үшін дами түсетініне кәміл сенемін, – делінген құттықтауда.
Қасым-Жомарт Тоқаев Анура Кумара Диссанаякеге жауапты қызметінде сәттілік, ал Шри-Ланка халқына амандық пен бақ-береке тіледі.
Бақытжан Бекболат