Мемлекеттік күзет қызметі енді Нұрсұлтан Назарбаевтың қауіпсіздігіне жауап бермейді

Мемлекет басшысы Қ.Тоқаев «ҚР Мемлекеттік күзет қызметі жөніндегі ережені бекіту туралы» Жарлыққа қол қойды. Мемлекеттік күзет қызметінің басты функциясы қатарынан ҚР Тұңғыш Президенті - Елбасының қауіпсіздігін қамтамасыз ету міндеті алынып тасталды. МКҚ-ның ендігі міндеттері - Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету. Жарлық 3 тамызда күшіне енеді.