Мемлекеттік рәміздер күні атап өтілді

4 маусым - Қазақстан Республикасының Мемлекеттік рәміздер күні. Ұлтымыз үшін ұлық мереке күні облыс орталығындағы Тұңғыш Президент саябағына барлық деңгейдегі мемлекеттік мекемелердің қызметкерлері жиналды. Осынау іс-шарадан өңірлік Қылмыстық-атқару жүйесі департаменті және оған бағынысты мекемелердің қызметкерлері де қалыс қалған жоқ.

Шара барысында Әнұран шырқалып, көк Туымыз желбіреді. Бұдан бөлек, жиналғандар Мемлекеттік рәміздер туралы толыққанды ақпаратқа қанықты. Айта кетейік, 1992 жылғы 4 маусымда Тәуелсіз Қазақстанның жаңа мемлекеттік рәміздері Көк байрақ, Мемлекеттік Елтаңба және Мемлекеттік Әнұран бекітілді. Олар біздің ұлттық бітім-болмысымыздың және халқымыздың өр рухының символы іспетті.