Мемлекеттік тілді білмейтіндерге Қазақстан азаматтығы берілмейді - Смайылов

Ел заңнамасына мемлекеттік тілді білмейтіндерді азаматтыққа қабылдаудан бас тартуды көздейтін түзету әзірленді. Бұл туралы премьер-министр Әлихан Смайыловтың Мәжіліс депутаттарының сауалына берген жауабында айтылды.

Оның айтуынша, аталған заңнамалық түзетулер Парламент депутаттары бастама жасаған «Қазақстан Республикасының кейбір заңнамалық актілеріне халықтың көші-қоны саласындағы заңнаманы жетілдіру мәселелері бойынша өзгерістер мен толықтырулар енгізу туралы» заң жобасы бойынша қос Палата депутаттарының түзетулеріне және Үкімет қорытындысының жобасына енгізілген.