Мемлекеттік қызметкерлердің мобильді аударымдары келесі жылдан бастап бақылауға алынады

Мемлекеттік қызметкерлердің мобильді аударымдары келесі жылдан бастап бақылауға алынады. Ақша аударымдары егер айына 100-ден асып, 3 ай бойы қайталанса, бұл жайлы мәлімет бірден Мемлекеттік кірістер комитетіне түспек. Сөйтіп, тиісті тексерулер жүргізіледі. Ал 2024 жылдан бастап квазимемлекеттік сектор қызметкерлері мен кәсіпкерлердің аударымдары бақылауда болады. 2025 жылдан барлық азаматтардың онлайн қаржылық операциялары қадағаланады. Қаржы министрлігі осы арқылы көлеңкелі бизнеспен күреспек.