Денсаулық сақтау министрлігі медицина қызметкерлеріне науқастар тарапынан жасалатын шабуылдар мәселесін шешудің жолын ұсынды. Бұл туралы аталған ведомство әзірлеген арнайы тұжырымдамада баяндалған, деп хабарлайды ҚазАқпарат . Емдеуші дәрігер медициналық ұйымның (бөлімшесінің) тиісті лауазымды адамымен (басшысымен) келісім бойынша пациентті бақылаудан және оны емдеуден 3 шарт бойынша бас тарта алады: 1) пациентті басқарудан бас тарту оның өміріне қауіп төндірмейді; 2) емдеуді жүргізуден бас тарту басқалардың денсаулығына қауіп төндірмейді; 3) жүргізуден бас тарту әкімшілік басқарманың лауазымды адамымен келісілген. Осы ұсыныстар негізінде дәрігер мен пациенттің құқықтық қатынастарын нормативтік құқықтық реттеу тетігін әзірлеу қажет. Осыған байланысты психикалық мінез-құлық бұзылысы ауруы бар адамның, оның ішінде есірткі заттарын қолданумен байланысты адамның әлеуметтік қауіптілігі ретінде жаңа тұжырымдаманы енгізу ұсынылады», - деп көрсетілген құжатта.