Нұржан Нұржігітов «Диплом тапсыру - 2022» салтанатты шарасына қатысты

Аймақ басшысы түлектерді маңызды сәтпен құттықтап, алдағы өмірлеріне сәттілік тіледі.

Соңғы жылдары институтта студенттерге қолайлы жағдай жасау мақсатында 500 орындық жаңа студенттік жатақхана, «OPEN SPACE» (оупен спейс) форматындағы кітапхана, Студенттердің шығармашылық орталығы, «Қысқы бақ» кешені, заманауи үлгідегі аквакультура ашылған. Биыл бұл жоғарғы оқу ордасы 100 орынға грант бөліп отыр. Ағымдағы жылы осы институттан 3 мыңға жуық студент диплом алуда. Өткен оқу жылында институт түлектерінің 70 пайызы жұмыспен қамтылған. Түлектердің қадамына құт тілеген облыс әкімі бірқатар магистранттарға «магистр» академиялық біліктілігі және тағайындалған үлгідегі дипломдарды тапсырды.​ Мұндай салтанатты рәсімге облыстық мәслихатының хатшысы Махметғали  Сарыбеков, облыстық соттың төрағасы Ербол Ахметжанов, Тараз қалалық мәслихатының хатшысы Батырбек Құлекеев, облыстық «Атамекен» ұлттық кәсіпкерлер палатасының директоры Еркін Атымтаев қатысты. Кеште ЖОО мақтаныштары марапатталып, үздік және белсенді түлектер сөз алып, ой әсерлерімен бөлісіп, институт басшылығы мен ұстаздарға ризашылығын жеткізді.