"Нағыз ұстаз деп осы кісіні айт»: Оқушылармен билеген директор желі жұлдызына айналды (ВИДЕО)
Бұл видео әлеуметтік желіде кеңінен тарап кетті
Білім күнінде Алматыдағы №209 мектептің директоры оқушылармен бірге билеп, жұрттың сүйіспеншілігіне бөленді, деп хабарлайды Jambylinfo.kz.
Ulysmedia.kz. жазуынша, бұл азамат Алматыдағы №209 мектептің директоры Болат Мыңбаев болып шыққан. Оның білім саласында 15 жылдық тәжірибесі бар екен.
– Нағыз ұстаз деп осы кісіні айт!
– Директор нағыз өз орнында отыр!
– Бұл кісі менің мұғалімім болған. Керемет ақкөңіл әрі мейірімді адам.
– Балаларға деген құрметі сезіліп тұр, – деп жазады жазылушылар.
Айта кетейік, биыл елде бірінші сыныпқа 352 мың бала барды.